டிசம்பர் 4 முதல் 7, 2024 வரை புருனே தாருஸ்ஸலாமில் நடைபெற்ற 2024 ஆம் ஆண்டுக்கான ஆசிய பசிபிக் ICT கூட்டணி (APICTA) விருது விழாவில் இலங்கை ஒரு குறிப்பிடத்தக்க மைல்கல்லை எட்டியுள்ளது. நாட்டின் இளம் கண்டுபிடிப்பாளர்கள் இரண்டாம் இடத்தையும் இரண்டு சிறப்பு விருதுகளையும் பெற்றனர், இது உலகளாவிய தொழில்நுட்ப பரப்பில் வளர்ந்து வரும் இலங்கையின் முக்கியத்துவத்தை வலுப்படுத்துகிறது.
இந்த குறிப்பிடத்தக்க சாதனையை நிகழ்த்திய மாணவர்களை பிரதமர் கலாநிதி ஹரிணி அமரசூரிய அவர்கள் ஜனவரி 27 அன்று, பிரதமர் அலுவலகத்தில் சந்தித்தார். தொழில்நுட்ப கண்டுபிடிப்புகளுக்கு அவர்களின் சிறந்த பங்களிப்பிற்காக அவர் தனது பாராட்டுகளைத் தெரிவித்தார்.
கல்வி அமைச்சு மற்றும் கொழும்பு பல்கலைக்கழக கணினிப் பாடசாலையுடன் இணைந்து FITIS ஏற்பாடு செய்த இளம் கணினி விஞ்ஞானி (YCS) போட்டியின் மூலம் இந்த இளம் திறமைகள் வெளிப்பட்டன, ESOFT மெட்ரோ வளாகம் பிரதான அனுசரனையாளராக இருந்தது. அவர்களின் விருது பெற்ற திட்டங்கள், AI-வலுப்படுத்திய எரிசக்தி திறன், IoT-அடிப்படையிலான வினைத்திறமிக்க நீர்பாசனம் மற்றும் குறைந்த-ஸ்பெக் சாதனங்களுக்கு உகந்த விளையாட்டு அனுபவங்கள் ஆகியவற்றில் புரட்சிகரமான தீர்வுகளை வெளிப்படுத்தின, புதுமை மற்றும் படைப்பாற்றலுடன் நிஜ உலக சவால்களை எதிர்கொண்டன.
FITIS தலைவர், இந்திக டி சொய்சா, மாணவர்களின் சாதனைகளில் பெருமை கொள்வதாக தெரிவித்தார், இலங்கையை தொழில்நுட்ப சிறப்பிற்கான மையமாக நிலைநிறுத்த இளம் திறமைகளை வளர்ப்பதன் முக்கியத்துவத்தை வலியுறுத்தினார். பிரதமர் கலாநிதி அமரசூரிய, நாட்டின் டிஜிட்டல் எதிர்காலத்தை வடிவமைப்பதில் இளைஞர்களின் பங்கை அங்கீகரித்து, ICT-யில் இளைஞர்களை மேம்படுத்துவதற்கான அரசாங்கத்தின் உறுதிப்பாட்டை வலியுறுத்தினார்.
APICTA 2024 இல் இலங்கையின் வெற்றி, அதன் இளம் கண்டுபிடிப்பாளர்களின் திறமையைக் கொண்டாடுவது மட்டுமல்லாமல், ICT துறையில் உலகளாவிய அங்கீகாரத்தை நோக்கிய ஒரு குறிப்பிடத்தக்க படியையும் குறிக்கிறது, தொழில்துறையில் எதிர்கால வாய்ப்புகள் மற்றும் ஒத்துழைப்புகளுக்கான கதவுகளைத் திறக்கிறது.
பிரதமரின் ஊடகப் பிரிவு.
27.01.2025
