கண்டி நகரின் அனைத்து பொது போக்குவரத்து சேவைகளையும் ஒருங்கிணைக்கும் பல்வகை போக்குவரத்து முனையம், அதன் மொத்த கட்டுமானத்தில் தற்போது 35% நிறைவடைந்துள்ளது.
69.6 மில்லியன் டொலர் கடன் உதவியுடன் கண்டி குட்ஷெட் பேருந்து நிலையத்தில் கட்டப்பட்டு வரும் இந்த முனையம், நான்கு மாடி கட்டிடத்தை மையமாகக் கொண்டுள்ளது.
தற்போது தரை தளத்தில் கட்டுமானப் பணிகள் நடைபெற்று வருகின்றன, மேலும் அதன் பௌதீக முன்னேற்றத்தை மதிப்பாய்வு செய்வதற்காக ஒரு கலந்துரையாடல் மற்றும் கள ஆய்வு அண்மையில் நடத்தப்பட்டது.
