அண்மைய வெள்ளத்தினால் சேதமடைந்த பொலன்னறுவை மாவட்ட விவசாயிகளின் விளைநிலங்களுக்கு இழப்பீடாக 139 மில்லியன் ரூபாவை வழங்குவதற்கான மதிப்பீட்டுப் பணிகள் தற்போது இடம்பெற்று வருவதாக விவசாயிகள் காப்புறுதிச் சபை அதிகாரிகள் தெரிவித்துள்ளனர்.
பொலன்னறுவை மாவட்ட செயலகத்தில் அண்மையில் (13) நடைபெற்ற மாவட்ட ஒருங்கிணைப்புக் குழுக் கூட்டத்தின் போதே இது குறித்து தெரிவிக்கப்பட்டுள்ளது.
இது தொடர்பாக, விவசாயியிகளிடம் சென்று மதிப்பீட்டை மேற்கொள்ளுமாறு, வீடமைப்பு பிரதியமைச்சர் டீ.பீ.சரத் உரிய அதிகாரிகளுக்கு பணிப்புரை வழங்கியுள்ளதாக பொலன்னறுவை மாவட்ட ஊடகப் பிரிவு சுட்டிக்காட்டியுள்ளது.
இந்தக் ஒருங்கிணைப்புக் குழுக் கூட்டமானது, குழுத் தலைவரும், வீடமைப்புத் பிரதி அமைச்சருமான டி.பி. சரத் தலைமையில் மாவட்டத்தின் அனைத்துத் துறைகளையும் பிரதிநிதித்துவப்படுத்தும் அரச அதிகாரிகள் பலரின் பங்குபற்றலுடன் இடம்பெற்றது.
