இலங்கையின் சுதேச மருத்துவத்தின் பாரம்பரியத்தைப் பாதுகாப்பதற்கும், பல தலைமுறையினரின் நல்வாழ்விற்காகவும் தொடர்ந்து அர்ப்பணித்து வரும் பொரளை ஆயுர்வேத தேசிய மருத்துவமனையின் பணியின் 97வது ஆண்டை நினைவுகூரும் வகையில், பூசை நிகழ்வுகள் ஏற்பாடு செய்யப்பட்டுள்ளது.
இந்த நிகழ்ச்சி 2026, ஜூலை 17 அன்று மாலை 7:00 மணிக்கு பொரளை ஆயுர்வேத தேசிய மருத்துவமனை வளாகத்தில் நடைபெற உள்ளது.
இலங்கையின் சுதேச மருத்துவ சேவைகளின் வரலாற்றில் ஒரு தனித்துவமான இடத்தைப் பெற்றுள்ள பொரளை ஆயுர்வேத தேசிய மருத்துவமனை, ஒன்பது தசாப்தங்களுக்கும் மேலாக மக்களுக்கு சுகாதார சேவைகளை வழங்கி வரும் ஒரு முன்னணி சுகாதார நிறுவனமாகும். சுதேச மருத்துவத்தின் பாரம்பரிய அறிவு, அனுபவம் மற்றும் நவீன சுகாதாரத் தேவைகளை ஒருங்கிணைத்து மக்களுக்குத் சிறந்த ஆயுர்வேத சிகிச்சை சேவைகளை வழங்குவது இந்த மருத்துவமனையின் முதன்மைப் பணியாக உள்ளது.
கடந்த 97 ஆண்டுகளில், இந்த மருத்துவமனை மருந்து உற்பத்தி மற்றும் பயன்பாடு, ஆயுர்வேத மருத்துவ முறைகள் பற்றிய அறிவைப் பரப்புதல் மற்றும் ஆரோக்கியமான வாழ்க்கை முறை குறித்து பொதுமக்களுக்கு விழிப்புணர்வை ஏற்படுத்தல் உள்ளிட்ட பல துறைகளில் சிறந்த சேவையை தொடர்ந்து நிறைவேற்றி வருகிறது.
சுதேச மருத்துவ முறைகளில் பொதிந்துள்ள குணப்படுத்தும் தத்துவம், நோய் தடுப்பு மற்றும் உடல்நலப் பாதுகாப்பு குறித்த பாரம்பரிய அறிவை பொதுமக்களுக்கு தெரியப்படுத்துவன் மூலம், பொரளை ஆயுர்வேத தேசிய மருத்துவமனை நாட்டில் ஆயுர்வேத சுகாதாரப் பராமரிப்பின் நம்பகமான மையமாக உருவெடுத்துள்ளது.
தினமும் இந்த மருத்துவமனைக்கு வரும் ஏராளமான மக்களின் சிகிச்சை மற்றும் சுகாதாரத் தேவைகளைப் பூர்த்தி செய்வதில் மருத்துவர்கள், தாதியர்கள் மற்றும் சுகாதாரப் பணியாளர்கள் உட்பட அனைத்து ஊழியர்களின் அர்ப்பணிப்பான சேவையானது மருத்துவமனையின் வெற்றிகரமான பயணத்திற்குப் பங்களித்துள்ளது.
பொரளை ஆயுர்வேத தேசிய மருத்துவமனை, உள்ளூர் மருத்துவ பாரம்பரியத்தை எதிர்கால சந்ததியினருக்குப் பாதுகாப்பாக ஒப்படைக்கும் அதே வேளையில், ஆயுர்வேத சிகிச்சைத் துறையை மேலும் வலுப்படுத்தவும், ஆராய்ச்சி மற்றும் அபிவிருத்தி நடவடிக்கைகளை விரிவுபடுத்தவும், மக்களுக்கு மிகவும் திறமையான மற்றும் தரமான சுகாதார சேவைகளை வழங்குவது இங்கு குறிப்பிடத்தக்கது.
இந்த நிகழ்ச்சியின் முக்கிய நோக்கம், மருத்துவமனையின் 97 ஆண்டுகால சுகாதார சேவையைப் பாராட்டுவதும், இதுவரை வழங்கப்பட்ட சேவைகளுக்காக ஆசிகளைப் பெறுவதும், எதிர்காலத்திற்காக ஆசிகளை பெறுவதும் ஆகும்.
சுகாதார மற்றும் வெகுஜன ஊடக அமைச்சர் வைத்தியர் நளிந்த ஜெயதிஸ்ஸ அவர்கள் இந்த நிகழ்வில் பங்கேற்க உள்ளார். மேலும், சுகாதார மற்றும் வெகுஜன ஊடக அமைச்சகத்தின் அதிகாரிகள், ஆயுர்வேதத் துறைசார் நிபுணர்கள், மருத்துவர்கள், மருத்துவமனை ஊழியர்கள் மற்றும் விருந்தினர்கள் குழுவும் இதில் கலந்துகொள்ள உள்ளனர்.
97 ஆண்டுகளாக இலங்கை மக்களின் நலனுக்காகத் தன்னை அர்ப்பணித்து வரும் பொரளை ஆயுர்வேத தேசிய மருத்துவமனை, சுதேச மருத்துவ மரபின் பெருமையையும் மக்களின் சுகாதாரப் பாதுகாப்பிற்கான தொடர்ச்சியான அர்ப்பணிப்பையும் பறைசாற்றும் ஒரு தேசியச் சொத்தாகத் தனது பணியைத் வழங்க உள்ளது என்பது இங்கு குறிப்பிடத்தக்கது
.
