ஐக்கிய நாடுகள் சபைக்கும் பொது நிர்வாகம், மாகாண சபைகள் மற்றும் உள்ளூராட்சி அமைச்சருக்கும் இடையே விரிவான கலந்துரையாடல்கள்

பதிவுகளின் டிஜிட்டல்மயமாக்கல், உள்ளூராட்சி சீர்திருத்தங்கள் மற்றும் அனர்த்த முகாமை ஆகியவற்றை வலுப்படுத்துவது தொடர்பாக, ஐக்கிய நாடுகள் சபைக்கும் பொது நிர்வாகம், மாகாண சபைகள் மற்றும் உள்ளூராட்சி அமைச்சருக்கும் இடையே விரிவான கலந்துரையாடல்கள்..

CRVS அமைச்சரவைப் பத்திரம் அடுத்த வாரம் அமைச்சரவையில் சமர்ப்பிக்கப்படும்.

தேர்தல் ஆணைக்குழு சீர்திருத்தங்களுக்கு ஐ.நா. வளர்ச்சித் திட்டம் (UNDP) ஆதரவு

எரிசக்தி, கல்வி மற்றும் சுகாதாரத் துறைகளில் உள்ள தகராறுகளைத் தீர்க்க 4 துறைசார் மன்றங்கள் (Sectoral Forums) அமைக்கப்படும்.

பிரதேச செயலகங்களுக்கான 336 கணினிகள் மற்றும் அச்சுப்பொறிகள் அடங்கிய உட்கட்டமைப்பு வசதிகள்.

இலங்கையின் குடியுரிமைப் பதிவு மற்றும் முக்கிய புள்ளிவிவர (CRVS) அமைப்பை டிஜிட்டல்மயமாக்குதல், பிராந்திய நிர்வாகம் மற்றும் உள்ளூராட்சி நிறுவனங்களை வலுப்படுத்துதல், மற்றும் தேர்தல் சீர்திருத்த செயல்முறையை விரைவுபடுத்துதல் ஆகியவற்றுக்கான ‘ஒன்ரெஜிஸ்ட்ரி’ (OneRegistry) கூட்டு முயற்சி குறித்து இன்று (18) விசேட இருதரப்பு கலந்துரையாடல் ஒன்று நடைபெற்றது.

பொது நிர்வாகம், மாகாண சபைகள் மற்றும் உள்ளூராட்சி அமைச்சர், பேராசிரியர் சந்தன அபயரத்ன, இலங்கையில் உள்ள ஐ.நா. வதிவிட ஒருங்கிணைப்பாளர் (UN Resident Coordinator), மார்க்-ஆண்ட்ரே பிரான்சே (Marc-André Franche) மற்றும் தூதுக்குழுவினருக்கு இடையேயான உத்தியோகபூர்வ சந்திப்பு, கொழும்பு 07, சுதந்திர சதுக்கத்தில் உள்ள அமைச்சில் நடைபெற்றது.

பொது நிர்வாகம், மாகாண சபைகள் மற்றும் உள்ளூராட்சி அமைச்சு