பேருந்து நிலையங்கள் மற்றும் ரயில் நிலையங்களை பாதுகாப்பான மற்றும் வசதிகளுடன் கூடிய பொது பயணிகள் மையங்களாக மாற்றும் அரசாங்கத்தின் தேசிய திட்டத்தின் கீழ் செயல்படுத்தப்பட்ட 'Clean Sri Lanka' தேசிய திட்டத்தின் நிதி மற்றும் சேவை பங்களிப்பின் கீழ் புதுப்பிக்கப்பட்ட அனுராதபுர தூரப் போக்குவரத்து சேவை பஸ் நிலையம், பொதுமக்கள் பாவனைக்காக திறந்து வைக்கப்பட்டது.
இலங்கை போக்குவரத்து சபை மற்றும் தனியார் பேருந்துகளின் தூரப் போக்குவரத்து பஸ் சேவைகள் இந்த பேருந்து நிலையத்திலிருந்து ஆரம்பிப்பதுடன், சேவை ஒருங்கிணைந்த அட்டவணையின் கீழ் செயற்படும்.
மாகாணங்களுக்கு இடையேயான பேருந்து சேவையை நெறிப்படுத்தி, தேவையான உட்கட்டமைப்பு வசதிகளை மேம்படுத்துவதே இதன் நோக்கமாகும். இந்த திட்டம் தற்போது 'Clean Sri Lanka' தேசிய திட்டத்தின் கீழ் அரச மற்றும் தனியார் நிறுவனங்கள் ஒன்றிணைந்து நாடு முழுவதும் வெற்றிகரமாக செயல்படுத்தி வருகிறது.
அனுராதபுரத்திலிருந்து பதுளை, மதுகம, கொழும்பு, குருநாகல், எம்பிலிப்பிட்டி, கண்டி உள்ளிட்ட தூரப் பகுதிகளுக்குச் செல்லும் பேருந்து ஊழியர்கள் மற்றும் பயணிகளின் வசதி மற்றும் பாதுகாப்பைக் கருத்தில் கொண்டு இந்த நவீனமயமாக்கல் திட்டம் செயல்படுத்தப்பட்டுள்ளது.
