சுற்றாடல் அமைச்சர் வைத்தியர் தம்மிக படபேந்திமற்றும் இந்திய உயர் ஸ்தானிகராலயத்தின் பொருளாதார மற்றும் வணிகப் பிரிவின் முதல் செயலாளர் சௌரப் சப்லோக் ஆகியோருக்கு இடையேயான சந்திப்பு இன்று (18) சுற்றாடல் அமைச்சில் நடைபெற்றது.
சுற்றாடல் பாதுகாப்பு மற்றும் நிலையான வளர்ச்சியில் சிறப்பு முக்கியத்துவம் அளித்து, இரு நாடுகளுக்கும் இடையிலான நீண்டகால இருதரப்பு உறவுகளை மேலும் வலுப்படுத்துவது குறித்து விவாதங்கள் நடத்தப்பட்டன. இருதரப்பு உதவித்தொகை திட்டங்கள் மற்றும் திறன் அபிவிருத்தி பயிற்சி அமர்வுகள் மூலம் வலுவான கல்வி கூட்டாண்மையை உருவாக்குவதன் முக்கியத்துவத்தை இரு தரப்பினரும் வலியுறுத்தினர்.
கல்வி பரிமாற்ற திட்டங்களுக்கு, குறிப்பாக வனவிலங்கு மற்றும் வன பாதுகாப்பு துறைகளில் தேவையான வசதிகள் மற்றும் வளங்களை வழங்க இரு தரப்பினரும் ஒப்புக்கொண்டனர். சர்வதேச பிக் கேட் கூட்டணியில் கூட்டாண்மையை விரைவுபடுத்துவது குறித்தும் விவாதங்கள் நடாத்தப்பட்டன.
இந்தியாவின் அபிவிருத்தி தொழில்நுட்ப கருவிகள் மற்றும் நிபுணத்துவத்தைப் பயன்படுத்துவதன் மூலம் இலங்கையின் நிலையான எரிசக்தி மாற்றத்தை எவ்வாறு துரிதப்படுத்த முடியும் என்பது குறித்து கவனம் செலுத்தப்பட்டது.
தொழில்நுட்ப அறிவு பரிமாற்றம் மற்றும் நாட்டின் எரிசக்தி அமைப்பில் நவீன தொழில்நுட்பத்தை ஒருங்கிணைப்பதன் மூலம் இந்த செயல்முறை எதிர்காலத்தில் வலுப்படுத்தப்படும் என்று எதிர்பார்க்கப்படுகிறது.
இந்தியாவில் நடைபெறும் நிலையான வளர்ச்சி உச்சி மாநாட்டில் இலங்கையை பிரதிநிதித்துவப்படுத்த அமைச்சர் வைத்தியர் தம்மிகா படபேந்திக்கு உத்தியோகபூர்வ அழைப்பு விடுக்கப்பட்டது.
இந்த உச்சிமாநாட்டை முன்னிட்டு, இரு நாடுகளுக்கும் இடையே சுற்றுச்சூழல் பாதுகாப்பு முயற்சிகளை முறைப்படுத்தவும் அனுபவங்களைப் பரிமாறிக்கொள்ளவும் இருதரப்பு கலந்துரையாடல்கள் நடத்த திட்டமிடப்பட்டுள்ளன.
சுற்றாடல் அமைச்சின் செயலாளர் உட்பட அமைச்சைப் பிரதிநிதித்துவப்படுத்தும் சிரேஷ்ட அதிகாரிகள் குழு இந்த நிகழ்வில் கலந்து கொண்டது.
இரு நாடுகளின் பொதுவான இலக்கான சுற்றாடல் பாதுகாப்பு மற்றும் நிலை பேறாண தன்மையை உறுதி செய்வதில் இந்த கலந்துரையாடல் மிக முக்கியமான படியாக இருக்கும் என்று எதிர்பார்க்கப்படுகிறது.
