சுகாதார மற்றும் வெகுஜன ஊடகத்துறை அமைச்சர், கண்டி ஆயர் மேதகு வாலன்ஸ் மெண்டிஸை சந்தித்தார்.
சுகாதார மற்றும் வெகுஜன ஊடக அமைச்சர் வைத்தியர் நளிந்த ஜயதிஸ்ஸ, அண்மையில் கண்டி கத்தோலிக்க மறைமாவட்டத்தின் தற்போதைய ஆயர் (Bishop) வணக்கத்திற்குரிய Dr. வலன்ஸ் மென்டிஸ் (Most Rev. Dr.Valence Mendis). அவர்களை அவரது உத்தியோகபூர்வ இல்லத்தில் சந்தித்து நலம் விசாரித்து உரையாடலில் ஈடுபட்டு ஆசிகளை பெற்றுக்கொண்டார்.
இங்கு, நாட்டின் சுகாதாரத் துறையின் தற்போதைய மற்றும் எதிர்கால வளர்ச்சிப் பணிகள், தற்போதைய பொருளாதார மற்றும் சமூக நடவடிக்கைகள் மற்றும் எதிர்கால திட்டங்கள் குறித்து அமைச்சர் ஆயருடன் கருத்துக்களைப் பரிமாறிக் கொண்டார்.
சுகாதார மற்றும் வெகுஜன ஊடக அமைச்சினால் நடைமுறைப்படுத்தப்படும் எதிர்கால சுகாதாரத் திட்டம் குறித்தும், சுகாதார சேவையில் நிலவும் பிரச்சினைகளைக் குறைத்து நாட்டு மக்களுக்கு வினைத்திறனான சுகாதார சேவையை வழங்குவதற்கான தற்போதைய திட்டம் குறித்தும் அமைச்சர் விளக்கமளித்தார்.
கண்டி தேசிய மருத்துவமனை மற்றும் பேராதெனிய போதனா மருத்துவமனையில் மேற்கொள்ளப்பட்ட அபிவிருத்தித் திட்டங்கள் குறித்தும், பாதியிலேயே நிறுத்தப்பட்ட அபிவிருத்தித் திட்டங்களை மீண்டும் தொடங்குவதற்கு அரசாங்க நிதி ஒதுக்கீடு செய்து எடுக்கப்பட்டு வரும் நடவடிக்கைகள் குறித்தும் அமைச்சர் விளக்கமளித்தார்.
தற்போதைய அரசாங்கத்தின் நாடு முழுவதும் செயல்படுத்தப்பட்டு வரும் “சுகாதார மற்றும் நல்வாழ்வு மையங்கள்” திட்டம் குறித்தும் அமைச்சர் ஆயரிடம் தெரிவித்தார்.
மக்களுக்குத் தேவையான நிவாரணங்களை வழங்கி, மக்கள் நலன் சார்ந்த முறையில் அரசாங்கத்தால் செயல்படுத்தப்பட்டு வரும் சிறப்புத் திட்டத்தைப் பாராட்டிய வணக்கத்திற்குரிய தேவ்ஸ்ரீத வாலன்ஸ் மெண்டிஸ், அமைச்சரையும் அவரது குழுவினரையும் ஆசீர்வதித்தார்.
இந்நிகழ்ச்சியில் சுகாதார பிரதி அமைச்சர் வைத்தியர் ஹன்சக விஜேமுனி மற்றும் பிறர் கலந்துகொண்டனர்.
