பாதுகாப்பு அமைச்சின் பாதுகாப்பு இணைய கட்டளைப் பிரிவினால் வருடாந்த கூட்டு இணைய பாதுகாப்புப் பயிற்சி ‘GRIDSHIELD’ வெற்றிகரமாக நடத்தப்பட்டது.
பாதுகாப்பு இணைய கட்டளைப் பிரிவு (Defence Cyber Command - DCC) ஏற்பாடு செய்த கூட்டு இணைய பாதுகாப்புப் பயிற்சி “GRIDSHIELD” 2026 மே 20 ஆம் திகதி பாதுகாப்பு ஆராய்ச்சி மற்றும் மேம்பாட்டு மையத்தில் (Centre for Defence Research and Development - CDRD) வெற்றிகரமாக நடைபெற்றது. இந்தப் பயிற்சியின் முக்கிய நோக்கம் இணைய பாதுகாப்பு தொடர்பான அறிவுப் பகிர்வை மேம்படுத்துவதோடு, முப்படைகள், பொலிஸ், விசேட அதிரடிப்படை (STF) மற்றும் பாதுகாப்பு இணைய கட்டளைப் பிரிவிற்கிடையில் ஒருங்கிணைப்பு மற்றும் நட்புறவை வலுப்படுத்துவதாகும்.
பயிற்சி, DCC இயக்குனரின் ஆரம்ப உரையுடன் தொடங்கியது. இப் பயிற்சியில் தாக்குதல், பாதுகாப்பு, விசாரணை மற்றும் டிஜிட்டல் நீதிமரபியல் (Digital Forensics) தொடர்பான விரிவான நடைமுறை தொடர்பான அமர்வுகள் இடம்பெற்றன. இவை பங்கேற்பாளர்களின் திறன்களை சவாலுக்கு உட்படுத்தும் வகையில் வடிவமைக்கப்பட்டிருந்தன.
ஏழு தனித்தனி குழுக்களாக அமைக்கப்பட்ட பங்கேற்பாளர்கள் கடுமையான “Capture the Flag (CTF)” வடிவிலான போட்டியில் ஈடுபட்டனர். இந்தப் பயிற்சியில் 10 சிக்கலான சவால்கள் இடம்பெற்றிருந்தன. வெற்றியைப் பெற குழுக்கள் 10 “flags” அனைத்தையும் கைப்பற்ற வேண்டியிருந்தது. இச்சவால்கள் மேஜர் நுவன் ஜயசிங்க, விங் கமாண்டர் லஹிரு வீரசிங்க, லெப்டினன்ட் கமாண்டர் மெஷெக் ஹேவாவசம் மற்றும் லெப்டினன்ட் கமாண்டர் மாலித சகலசூரிய ஆகிய நிபுணர்களால் மிக நுட்பமாக வடிவமைக்கப்பட்டன. அவர்களின் அர்ப்பணிப்பும் நிபுணத்துவமும் உயர்தரமான மற்றும் சவால்மிக்க பயிற்சி சூழலை உருவாக்குவதில் முக்கிய பங்காற்றின.
சிறப்பான தொழில்நுட்ப திறனும் குழு ஒருங்கிணைப்பும் வெளிப்படுத்திய குழு எண் 3 வெற்றியாளர்களாக தேர்வானது. வெற்றி பெற்ற குழுவில் பின்வரும் பல்துறை பிரதிநிதிகள் இடம்பெற்றனர்:
பிளைட் லெப்டினன்ட் DAIH டி சில்வா (இலங்கை விமானப்படை)
பொலிஸ் பரிசோதகர் RMKD விமலரத்ன (இலங்கை பொலிஸ்)
துணைப் பொலிஸ் பரிசோதகர் KTS அமரசிறி (குற்றப் புலனாய்வு திணைக்களம்)
சார்ஜென்ட் பண்டாரா IBMVNI (பாதுகாப்பு இணைய கட்டளைப் பிரிவு)
லெப்டினன்ட் DMTSB திஸாநாயக்க (இலங்கை கடற்படை)
லான்ஸ் கோப்ரல் சங்கல்ப RDP (இலங்கை இராணுவம்)
பாதுகாப்பு அமைச்சின் மேலதிக செயலாளர் (தொழில்நுட்பம்) பொறியியலாளர் திரு. WND பெரேரா பிரதம அதிதியாக கலந்து கொண்டு வெற்றி பெற்ற குழுவினருக்கு சான்றிதழ்களை வழங்கினார்.
இந்நிகழ்வில் DCC இயக்குநர் பிரிகேடியர் KVP தம்மிக்க USP, CDRD-யின் பணிப்பார்வை பணிப்பாளர் நாயகம் கொமடோர் OGPRPR ஹுங்கம்பொல USP, கொழும்பு மண்டலத் தளபதி, தகவல் தொழில்நுட்பம் மற்றும் ஊடகம்/ட்ரோன் பிரிவின் பணிப்பாளர் மற்றும் உருவாக்கப்பட்ட பொலிஸ் அலகின் திட்ட அதிகாரி SP RC ஹேரத்தாரச்சி உள்ளிட்ட பல அதிதிகள் கலந்துக் கொண்டனர்.
“GRIDSHIELD” பயிற்சியின் வெற்றிக்கு டிசி இயக்குனர், CDRD பணிப்பாளர் நாயகம் மற்றும் பாதுகாப்பு இணைய கட்டளைப் பிரிவு, இலங்கை இராணுவம், இலங்கை கடற்படை, இலங்கை விமானப்படை, இலங்கை பொலிஸ், விசேட அதிரடிப்படை மற்றும் பாதுகாப்பு ஆராய்ச்சி மற்றும் மேம்பாட்டு மையத்தின் அனைத்து அதிகாரிகளும் உறுப்பினர்களும் வழங்கிய அர்ப்பணிப்பும் முயற்சியும் நேரடியாக காரணமாக அமைந்தது.
