இந்த திட்டத்திற்கான செலவு ரூ. 129 மில்லியன் ஆக மதிப்பிடப்பட்டுள்ளது.
கட்டுமானப் பணிகள் 23 ஆம் தேதி ஞாயிற்றுக்கிழமை ஆரம்பித்து 9 மாதங்களுக்குள் நிறைவுசெய்ய திட்டமிடப்பட்டுள்ளது.
தம்புள்ளையில் புதிதாக நிர்மாணிக்க உத்தேசிக்கப்பட்டுள்ள புதிய பிராந்திய அஞ்சல் பரிமாற்ற மையத்திற்கான அடிக்கல் நாட்டு விழா, சுகாதார மற்றும் வெகுஜன ஊடக அமைச்சர் டாக்டர் நளிந்த ஜயதிஸ்ஸவின் தலைமையில் எதிர்வரும் ஞாயிற்றுக்கிழமை (23) காலை நடைபெற உள்ளது.
நவீன வசதிகளுடன் கட்டப்பட உத்தேசிக்கப்பட்டுள்ள இந்த புதிய பிராந்திய அஞ்சல் பரிமாற்ற மையத்தின் கட்டுமானத்திற்கு ரூ. 129 மில்லியனுக்கும் அதிக செலவாகும் என மதிப்பிடப்பட்டுள்ளது.
எதிர்வரும் ஆண்டு (2026) ஆகஸ்ட் மாத இறுதிக்குள் கட்டுமானப் பணிகளை நிறைவுசெய்ய திட்டமிடப்பட்டுள்ளது, மேலும் கட்டுமானப் பணிகளுக்கான ஆலோசனைகளை கட்டிடத் துறை வழங்கும்.
இந்த நிலையத்தில் ஒரே சமயத்தில் 3 லாறிகள் பொதிகள் ஏற்றப்படுவதற்தான வசதிகளுடனும் மேலும் தேவையான வாகனங்கள் தரித்து நிற்ககூடிய வசதிகளுடன் இந்த கட்டுமானம் நிர்மாணிக்கபடஉள்ளது.
அலுவலக பணிகள் 24 மணி நேரமும் மேற்கொள்ளப்படுவதால், அந்தக் கடமைகளைச் செய்யும் ஊழியர்களுக்காக இங்கு ஓய்வு அறைகளும் நிறுவப்படும்.
இலங்கை தபால் திணைக்களத்திற்குச் சொந்தமான கொழும்பு பிரதான மத்திய அஞ்சல் பரிமாற்றத்தை, அரச கொள்கைகளுக்கு இணங்க, சிறந்த சூழலில் வாடிக்கையாளர்களுக்கு திருப்தி அளிக்கக்கூடிய சேவையை வழங்குவதன் மூலமும், நவீன தொழில்நுட்பத்தைப் பயன்படுத்துவதன் மூலமும் நம்பகமான சேவையை வழங்கும் இடமாக மாற்றும் நோக்கத்துடன், சுகாதார மற்றும் வெகுஜன ஊடக அமைச்சர் டாக்டர் நளிந்த ஜயதிஸ்ஸவின் வழிகாட்டுதலின் கீழ் இந்த சிறப்புத் திட்டம் செயல்படுத்தப்படுகிறது.
கொழும்பிலிருந்து தம்புள்ளை பிராந்திய அஞ்சல் பரிமாற்றத்திற்கு அஞ்சல் பொருட்களை கொண்டு செல்வதையும், அங்கிருந்து யாழ்ப்பாணம், பொலன்னறுவை மற்றும் மட்டக்களப்புக்கு தொடர்புடைய அஞ்சல் பொருட்கள் கொண்டு செல்லப்படும் வரை தற்காலிகமாக வைக்கப்பட இது உதவுகிறது. பின்னர் தம்புள்ளை பரிமாற்ற மையத்திலிருந்து யாழ்ப்பாணம், பொலன்னறுவை, திருகோணமலை, மட்டக்களப்பு மற்றும் கண்டி ஆகிய இடங்களிலிருந்து கொண்டு வரப்படும் அஞ்சல் பொருட்கள் தற்காலிகமாக இறக்கப்பட்டு தம்புள்ளை இடை-அஞ்சல் பரிமாற்றத்தில் (அஞ்சல் மையம்) வைக்கப்ட்டு மீண்டும் கொழும்பு மத்திய அஞ்சல் பரிமாற்றத்திற்கு கொண்டு வரப்படுகின்றன.
இலங்கை தபால் துறை, பன்முக சேவைகளை வழங்குவதன் மூலம் சிறந்த தகவல் தொடர்பு ஊடகமாக தொலைநோக்குப் பார்வையுடன், இந்த நாட்டு மக்களுக்கு இணையற்ற சேவையை வழங்கி வருகிறது என்பது இங்கு குறிப்பிடத்தக்கது.
