"குழந்தைகள் முன்னிலையில் பெற்றோர் சண்டையிடுவதைத் தடுப்போம்" என்ற கருப்பொருளின் கீழான விசேட விழிப்புணர்வு நிகழ்ச்சிகள் கம்பஹாவில்..

கம்பஹா மாவட்டத்தில் உள்ள சிறுவர்கள் மற்றும் பெண்களின் பிரச்சினைகளுக்குத் தீர்வு காண்பதையும், அவர்கள் எதிர்கொள்ளும் வன்முறையைத் தடுப்பதையும் நோக்கமாகக் கொண்டு நடத்தப்படும் கம்பஹா மாவட்ட சிறுவர்கள் மற்றும் பெண்கள் அபிவிருத்திக் குழுவின் 2026 ஆம் ஆண்டுக்கான இரண்டாவது காலாண்டுக் கூட்டம், மாவட்டச் செயலாளர் லலிந்த கமகே அவர்களின் தலைமையில் நேற்று (19) மாவட்டச் செயலகக் கலையரங்கில் நடைபெற்றது.

 "குழந்தைகளின் முன்னிலையில் பெற்றோர்கள் சண்டையிடுவதைத் தடுத்தல்" என்ற கருப்பொருளின் கீழ் மாவட்டம் முழுவதும் தொடர்ச்சியான விசேட விழிப்புணர்வு நிகழ்ச்சிகளைச் செயல்படுத்தவும், அது தொடர்பான சுவரொட்டிகளை ஒட்டுவதன் மூலமும் விழிப்புணர்வு நிகழ்ச்சிகளை நடத்துவதன் மூலமும் அபாயத்தில் உள்ள குடும்பங்களின் பெற்றோருக்குக் விழிப்புணர்வூட்டவும் மாவட்ட அதிகாரிகளுக்கு அறிவுறுத்தப்பட்டது.

அரசியல் என்பது அபிவிருத்தியிலிருந்து வேறுபட்ட ஒன்றல்ல என்றும், அரச நிர்வாகத்தில் நாம் மேற்கொள்ளும் ஒவ்வொரு தெரிவும் தீர்மானமும் அதன் மூலமே வடிவமைக்கப்படுகின்றன என்றும் பிரதமர் கலாநிதி ஹரிணி அமரசூரிய தெரிவித்தார்.

ஐக்கிய இராச்சியத்திற்கான உத்தியோகபூர்வ விஜயத்தை மேற்கொண்டுள்ள பிரதமர் கலாநிதி ஹரிணி அமரசூரிய, மே 19 ஆம் திகதி சசெக்ஸ் பல்கலைக்கழகத்தின் அபிவிருத்திக் கற்கை நிறுவகத்தின் 60 ஆவது ஆண்டு நிறைவை முன்னிட்டு நடைபெற்ற மாநாட்டில் உரையாற்றும் போதே இதனைக் குறிப்பிட்டார்.