நீண்டகால மற்றும் விரிவான ஆலோசனைச் செயல்முறையின் பின்னர் தயாரிக்கப்பட்ட "இலங்கையின் தேசிய ஊடகக் கொள்கையின்" மேம்படுத்தப்பட்ட வரைவானது, (Advanced Draft) இன்றைய தினம் (14) சுகாதார மற்றும் வெகுஜன ஊடக அமைச்சர் வைத்தியர் நளிந்த ஜயதிஸ்ஸ மற்றும் வெகுஜன ஊடகப் பிரதியமைச்சர் கலாநிதி கௌசல்யா ஆரியரத்ன ஆகியோரிடம் வெகுஜன ஊடக அமைச்சின் கேட்போர் கூடத்தில் வைத்து உத்தியோகபூர்வமாக கையளிக்கப்பட்டது.

அரச சேவையை பயனுள்ள மற்றும் செயற்திறனான சேவையாக மாற்றுவதற்கு செயற்கை நுண்ணறிவைப் பயன்படுத்துவது குறித்து அரச நிறைவேற்று அதிகாரிகளுக்காக ஏற்பாடு செய்யப்பட்ட  விசேட செயலமர்வு, கடந்த 12 ஆம் திகதி இரத்தினபுரி மாவட்ட செயலக கேட்போர் கூடத்தில் நடைபெற்றது.

சட்டவிரோத மீன்பிடி நடவடிக்கைகளால் கடல் சூழல், சுற்றுலாத் துறை மற்றும் எதிர்கால சந்ததியினர் மீது ஏற்படும் பாதகமான தாக்கம் குறித்து வட மாகாணத்தில் உள்ள மீனவ சமூகத்திற்கு விழிப்புணர்வை ஏற்படுத்தும் வகையில், வடக்கு கடற்படை கட்டளைத் தளபதி ரியர் அட்மிரல் புத்திக லியனகமகே அவர்களின் தலைமையில், அப்பகுதியில் உள்ள சட்ட அமலாக்க முகவர் மற்றும் வட மாகாண மீனவர் சங்க பிரதிநிதிகளின் பங்கேற்புடன், 2026 மார்ச் 10 ஆம் திகதி வடக்கு நிறுவனத்தில் சிறப்பு நிகழ்ச்சித் தொடர் ஒன்று நடைபெற்றது.

இலங்கை கடற்படையினர், மன்னாருக்கு வடக்கே இலங்கை கடல் பகுதியில் 2026 மார்ச் 11 ஆம் திகதி இரவு நடத்திய சிறப்பு தேடுதல் நடவடிக்கையின் போது, உள்ளூர் கடல் பகுதியில் சட்டவிரோத மீன்பிடி நடவடிக்கைகளில் ஈடுபட்டதற்காக இந்திய மீன்பிடி படகொன்றுடன் (01) இரண்டு (02) இந்திய மீனவர்களைக் கடற்படையினர் கைப்பற்றினர்.

கல்பிட்டியின் ஆலங்குடா மற்றும் பங்களாவத்த கடலோரப் பகுதிகளில் இலங்கை கடற்படை 2026 மார்ச் 10 ஆம் திகதி நடத்திய சிறப்பு தேடுதல் நடவடிக்கையின் போது, சுமார் ஆயிரத்து எண்ணூற்று நாற்பது (1840) கிலோகிராம் சட்டவிரோதமாக இறக்குமதி செய்யப்பட்ட உலர்ந்த முந்திரி கொட்டைகளுடன், இரண்டு (02) சந்தேக நபர்கள் மற்றும் இரண்டு (02) லொரிகளும் கடற்படையினரால் கைப்பற்றப்பட்டன.